Kun tavalludi
Bugun Gʻallaorol axborot- kutubxona markazida kitobxon oʻquvchilar bilan "Shukur Xolmirzayevni yod etib" mavzusida davra suhbati oʻtkazildi. Tadbir davomida adibning "Oʻzbeklar" hikoyasi yuzasidan debat ham tashkil etildi.
📌 Shukur Xolmirzayev – O‘zbekiston xalq yozuvchisi, o'zbek hikoyachiligini Abdulla Qahhordan keyin yangi, yuqori bosqichga ko‘targan yozuvchi.
Adib 1940-yil 24- martda Surxondaryo viloyati, Boysun tumanida tugʻilgan. Uning ilk qissasi «Oq otli» deb nomlanadi. «To‘lqinlar», «O‘n sakkizga kirmagan kim bor?» qissalari o‘quvchilar tomonidan iliq qarshi olingan.
Uning «Hayot abadiy», «Bodom qishda gulladi», «So‘nmas olov», «Tog‘larga qor tushdi» kabi hikoyalar to‘plamlari, «So‘nggi bekat», «Qil ko‘prik«, «Yo‘lovchi», «Olabo‘ji» romanlari chop etilgan.
Uning asarlarida yoshlik zavqi, milliy xarakter, inson, tabiat va jamiyat munosabatlari badiiy talqin etilgan.