Ko'chma kutubxonada zakovat
G’allaorol magistral gaz quvurlari boshqarmasida Alisher Navoiy hamda Zahiriddin Muhammad Bobur tavallud sanalariga bag‘ishlangan “Zakovat” intellektual o‘yini o‘tkazildi.
Tadbirda boshqarma xodimlari faol ishtirok etdilar.
“Zakovat” o‘yini savol-javob shaklida tashkil etilib, barcha savollar aynan ushbu buyuk mutafakkirlar hayoti va faoliyati bilan bog‘liq bo‘ldi. Ishtirokchilar o‘z bilim va zakovatlarini sinovdan o‘tkazib, jamoaviy hamkorlikda faol qatnashdilar. Tadbir xodimlar o‘rtasida jamoaviy ruhni mustahkamlash hamda tarixiy bilimlarni boyitishga xizmat qildi.
Ishtirokchilarga esdalik sovg‘alari, jumladan kitoblar topshirildi.
Shuningdek, ushbu tadbirni tashkil etishda ko‘mak bergan G‘allaorol MGQB rahbariyati hamda kasaba uyushmasiga alohida minnatdorchilik bildirildi.