📚 KITOBXONLIK OILADAN BOSHLANADI
G‘allaorol tumanidagi 91-umumiy o‘rta ta’lim maktabida “Kitobxonlik oiladan boshlanadi” mavzusida ma’naviy-ma’rifiy tadbir tashkil etildi.
Tadbirda tuman hokimligi Ma’naviyat bo‘limi vakillari hamda tuman Axborot-kutubxona markazi xodimlari ishtirok etdilar.
Tadbir davomida oilada kitobxonlik madaniyatini shakllantirish, farzandlarni yoshligidan kitob o‘qishga qiziqtirish, ularning ma’naviy dunyoqarashi va tafakkurini yuksaltirishning ahamiyati haqida so‘z yuritildi.
Ishtirokchilar kitob mutolaasi inson kamoloti, oilaviy tarbiya va yosh avlodning barkamol bo‘lib voyaga yetishida muhim o‘rin tutishini ta’kidladilar.
📖 Zero, kitobxon oila — ma’rifatli jamiyat poydevoridir!