📚 “Kitobxonlik oiladan boshlanadi”
G‘allaorol tumanidagi 89-umumiy o‘rta ta’lim maktabi hamda Ma’naviyat va ma’rifat markazi, tuman axborot-kutubxona markazi hodimlari bilan birgalikda “Kitobxonlik oiladan boshlanadi” mavzusida ma’naviy-ma’rifiy davra suhbati bo‘lib o‘tdi.
Tadbirda faxriy ustozlar oilada kitobxonlik madaniyatini shakllantirish, yosh avlodni kitobga mehr qo‘yish ruhida tarbiyalash va mutolaaning inson kamolotidagi o‘rni haqida fikr-mulohazalar bildirdilar.
Zero, kitobsevarlik avvalo oiladan boshlanadi. Farzand ota-onasining kitob o‘qiyotganini ko‘rib ulg‘aysa, unda mutolaaga bo‘lgan qiziqish va intilish yanada ortadi.
Kitob o‘qigan avlod — ma’rifatli kelajak poydevori! 📖🌿