Kitobxon_ona
#Kitobxon_ona
🔹 “Kitob o‘qiydigan ona — tafakkuri keng, so‘zi shirali, farzandiga har sohada ibrat bo‘la oladigan ayoldir.”
🔹 G‘allaorol tumani Axborot-kutubxona markazi va Samarqand MFY hamkorligida bugun har oyning 17-sanasida o‘tkazib kelinadigan navbatdagi “Kitobxon onalar” uchrashuvi bo‘lib o‘tdi.
🔹 Bugungi uchrashuvning asosiy mavzusi — “She’rxonlik”. Ishtirokchilar o‘zlari sevib o‘qiydigan she’rlardan parchalar o‘qib eshittirdilar, she’riyatning inson qalbiga ko‘tarinki kayfiyat va ruhiy yengillik berishdagi ahamiyati haqida fikr almashdilar.
🔹 Tadbirda “Buvijonlar maktabi” vakillari, Samarqand MFY faollari hamda faol kitobxon onalarimiz ishtirok etdilar.
🔹 Onalarimiz o‘qigan kitoblari, sevgan she’rlari va ulardan olgan ibratlari haqida qiziqarli ma’lumotlar ulashib, o‘z taassurotlari bilan bo‘lishdilar.
🔹 Uchrashuvning asosiy maqsadi — kitob o‘qish madaniyatini yanada rivojlantirish, onalarimiz o‘qigan kitob va she’rlaridan ibrat olish, farzandlar qalbiga ilm va ma’naviyat urug‘ini sochishdir