INSON HUQUQLARI
INSON HUQUQLARI
Joriy yilning 30-oktabr kuni tuman Ma’naviyat va ma’rifat markazida boʻlajak yosh oilalar ishtirokida “Oila — jamiyat va davlat muhofazasida” mavzusida davra suhbati bo‘lib o‘tdi.
Tadbirda tuman Ma’naviyat va ma’rifat markazi rahbari Sh. Safarova hamda tuman Oila va xotin-qizlar bo‘limi bosh mutaxassisi D. Axbutayeva ishtirok etishdi.
Davra suhbatida yangi tahrirdagi O‘zbekiston Respublikasi Konstitutsiyasining XIV bobi — “Oila, bolalar va yoshlar” bo‘limi mazmun-mohiyati keng tushuntirildi. Shuningdek, “Ayollarga huquqiy madad” nomli qo‘llanma asosida ayollar uchun dolzarb bo‘lgan huquqiy masalalar yuzasidan amaliy tavsiya va ko‘rsatmalar berildi.
Tadbir ishtirokchilari oila institutining jamiyatdagi o‘rni, uni mustahkamlashda huquqiy bilim va ma’naviy tarbiyaning ahamiyati haqida fikr almashdilar.