Amir Temur tavalludining 690 yilligi
👥 Buyuk sarkarda va davlat arbobi Amir Temur tavalludining 690 yilligi munosabati bilan G'allaorol tuman 3-son texnikumi dual ta'lim o'quvchilari bilan “Ma’naviy-ma’rifiy suhbat" tashkil etildi.
"Sohibqiron Amir Termur" mavzusida tashkillashtirilgan mazkur uchrashuvda Tuman axborot-kutubxona markazi mutaxassisi ishtirok etib, yoshlar bilan samimiy muloqot olib bordi. Suhbat davomida Amir Temurning boy tarixiy merosi, uning davlat boshqaruvidagi yuksak salohiyati hamda bugungi yoshlar uchun ibrat bo‘ladigan jihatlari haqida atroflicha fikr yuritildi.
Shuningdek, uchrashuvda yoshlarni vatanparvarlik ruhida tarbiyalash, ularning ijtimoiy faolligini oshirish va ma’naviy yetuk shaxs bo‘lib kamol topishlari masalalariga alohida e’tibor qaratildi.
Tadbir davomida kitobxonlar o‘zlarini qiziqtirgan savollariga javob oldilar, o‘z fikr va takliflarini bildirdilar.